أهالى أبو حماد ... أيوه إحنا إللى سحرنا القطر

كتب - رأفت نجم :

تعطل مساء أمس بمدينة أبو حماد القطار القادم من القاهرة والمتجه إلى الإسماعيلية فى الساعة الثانية عشر فما كان من شباب ابوحماد  إللى زي الورد راحو جابو سحور و فاكهه و عصير و زبادي و بلح و ميه لركاب القطرعشان يسحروا ومعاهم إبن البلد أشرف عزت همام.

 

 

طبعا المعلم سامبو ومحمد إبنه لما سمعوا الحكاية مخلصهمشى يقعدوا ساكتين وعلي عاده اهل الشرقيه وكرمهم بدأ المعلم سامبو واولاده اصحاب مطعم سامبو للفلافل بتجهيز صواني كلها ساندويتشات سحور ونادي علي الشباب من اهل المنطقه واصحاب المحلات إللى في دقايق ووزعوا علي عربيات القطر سحور.

وعلى الجا نب الآخرقام الحاج "أبوشامة"  بإستدعاء كتائبه إللى بتعزم القطر كل يوم على الفطار فى أبوحماد وإنتشروا على أرصفة محطة القطار وكأنهم جنود مشاه وقاموا بتوزيع الأطعمة والمشروبات على ركاب القطار.

وفيه ناس كتير من أهالى أبوحماد  قاموا بتقديم الأطعمة والمشروبات مساهمة منهم فى سحور ركاب القطار.